საქართველოს ტექნიკური უნივერსიტეტის ადმინისტრაციულ კორპუსში საგრანტო პროექტთან დაკავშირებით კონფერენცია ჩატარდა.
საქართველოს ტექნიკური უნივერსიტეტის ჰიდრომეტეოროლოგიის ინსტიტუტში სრულდება შოთა რუსთაველის ეროვნული სამეცნიერო ფონდის მიერ დაფინანსებული გრანტის №GNSF/ST 08/5-444 პროექტი "კატასტროფული ჰიდროგლაციოლოგიური მოვლენები (წყალდიდობები, წყალმოვარდნები, ღვარცოფები და თოვლის ზვავები) საქართველოში, მათი პარამეტრების დადგენა, პროგნოზირება და საშიშროების შერბილების რეკომენდაციები".
კონფერენციაზე განიხილეს აღნიშნული პროექტის 2010 წლის შედეგები.
საგრანტო პროექტის სამეცნიერო ხელმძღვანელი და მენეჯერია პროფესორი ცისანა ბასილაშვილი. პროექტი 2012 წლის 1-ელ მარტს მთავრდება.
