საზოგადოებრივი მაუწყებლის მესამე არხისთვის 2011 წლის სახელმწიფო ბიუჯეტიდან დამატებით 20 მილიონი გამოიყოფა. ამის შესახებ დღეს, პარლამენტის პლენარულ სხდომაზე ფინანსთა მინისტრმა კახა ბაინდურაშვილმა 2011 წლის სახელმწიფო ბიუჯეტის პროექტის წარდგენისას განაცხადა.
აღსანიშნავია ის ფაქტი, რომ კომიტეტებში სახელმწიფო ბიუჯეტში ცვლილებების განხილვის დროს საზოგადოებრივი მაუწყებლის მესამე არხისთვის დამატებითი თანხების გამოყოფის შესახებ მსჯელობა არ ყოფილა.
შეგახსენებთ, რომ 2011 წლის სახელმწიფო ბიუჯეტი შემოსვლების ნაწილში 348.8 მლნ ლარით იზრდება. აქედან ხარჯვით ნაწილზე 230 მლნ ლარი მიდის, ხოლო დანარჩენი თანხა ბიუჯეტში აკუმილირდება.