დამოუკიდებლობის აღდგენის ურთულესი 20 წლის მიუხედავად საქართველოს სახელმწიფო შემდგარია, - ამის შესახებ პარლამენტის თავმჯდომარემ დავით ბაქრაძემ დღეს, პარლამენტის პლენარულ სხდომაზე დამოუკიდებლობის აღდგენის 20 წლისთავის შეფასებისას აღნიშნა.
"20 წელი შესრულდა საქართველოს დამოუკიდებლობიდან და ეს იყო ურთულესი 20 წელის, მაგრამ მიუხედავად ყველა პრობლემისა და გამოწვევისა საქართველოს სახელმწიფო შემდგარია და არსებობს. ეს იყო ყველა ჩვენგანის ოცნება 20 წლის წინ", - დასძინა ბაქრაძემ.
ამასთან, პარლამენტის თავმჯდომარემ სრულიად საქართველოს დამოუკიდებლობის 20 წლისთავი მიულოცა და აღნიშნა, რომ ისურვებდა შემდგომ იუბილეს საქართველოში ყველა პრობლემა მოგვარებული ყოფილიყო.
"საქართველოს იყოს აღდგენილი საკუთარი ტერიტორიების და საზღვრების ფარგლებში და ქვეყანა იყოს ისე წინ წასული როგორც დღეს არის გასულ 20 წელთან შედარებით", - განაცხადა დავით ბაქრაძემ.
