საქართველო საბჭოთა კავშირში არასდროს დაბრუნდება. ამის შესახებ დღეს, პარლამენტის პლენარულ სხდომაზე უმრავლესობის წევრმა ნუგზარ წიკლაურმა 1989 წლის 9 აპრილის შეფასებისას განაცხადა.
"1989 წლის 9 აპრილიდან დღემდე 20 წელიწადმა გაიარა ძალიან ბევრი დაპირისპირებით, შიდა წინააღმდეგობებით მაგრამ ამავე დროს ეს იყო დიდ ბრძოლა ქართველი ხალხის დამოუკიდებლობისა და თავისუფლებისთვის, ჩვენ ვლაპარალკობთ იმაზე, რომ დღესაც საქართველო იბრძვის თავის დამოუკიდებლობისთვის და ადგილის დასამკვიდრებლად მსოფლიო თანამეგობრობაში ჩვენ პატივი უნდა მივაგოთ ყველა იმ ადამიანს, რომელიც ამ დღის მოტანისთვის იბრძოდა", - აღნიშნა წიკლაურმა.
დეპუტატის შეფასებით, საქართველოს დამოუკიდებლობა არის ის თემა, რომელსაც არ ჰყავს ოპოზიცია, ხელისუფლება და ეს აერთიანებს მთელ ქვეყანას.
"9 აპრილი თავისუფლების სიმბოლოა საქართველოსთვის და მინდა მივულოცო ყველას საქართველოს დამოუკიდებლობის აღდგენის აქტის 20 წლისთავი. საქართველო აღარასოდეს დაბრუნდება იქ საიდანაც გამოვიდა, არასდროს არ დაბრუნდება საბჭოთა კავშირში", - განაცხადა ნუგზარ წიკლაურმა.
