2011 წლის სახელმწიფო ბიუჯეტშიწლის განმავლობაში ცვლილებები, შესაძლოა, კიდევ შევიდეს. ამის შესახებ ფინანსთა მინისტრმა კახა ბაინდურაშვილმა დღეს, პარლამენტის პლენარულ სხდომის დაწყების წინ განაცხადა
"ქვეყანაში ეკონომიკური ზრდა სწრაფი ტემპებით ვითარდება და ამის გათვალისწინებით შესაძლოა ბიუჯეტის გადახედვა კიდევ ერთხელ მოგვიხდეს", - აღნიშნა ბაინდურაშვილმა.
მისივე თქმით, თავიდან ბიუჯეტი 4.5% ეკონომიკურ ზრდაზე დაიგეგმა და წარმოდგენილი ცვლილების თანახმად ეს ციფრი 5.5%-მდე იზრდება.
"თუ ეკონომიკური ზრდის მაღალი სცენარი შენარჩუნდა წლის განმავლობაში ჩვენ ეკონომიკის 6.5%-7%-მდე ზრდას ველოდებით", - აღნიშნა ფინანსთა მინისტრმა.
შეგახსენებთ, რომ 2011 წლის სახელმწიფო ბიუჯეტი შემოსვლების ნაწილში 348.8 მლნ ლარით იზრდება. აქედან ხარჯვით ნაწილზე 230 მლნ ლარი მიდის, ხოლო დანარჩენი თანხა ბიუჯეტში აკუმილირდება.