საქართველო და მალაიზია სტუდენტთა გაცვლით პროგრამებში ითანამშრომლებენ, ამის შესახებ განცხადება მალაიზიის სახელმწიფო მინისტრმა, მუჰამედ ალი რუსტამმა საქართველოს ეკონომიკისა და მდგრადი განვითარების მინისტრთან შეხვედრის შემდეგ განაცხადა.
მალაიზიის სახელმწიფო მინისტრის თქმით, მალაიზია მზადაა საქართველოსთან ითანამშრომლოს ისეთ სფროებში როგორიცაა ფარმაცია და ჰოსპიტალური სექტორი.
"ჩვენ მზად ვართ ვითანამშრომლოთ საქართველოსთან ისეთ სფეროებში, როგორიცაა ფარმაცია, ჰოსპიტალური სექტორი, ტურიზმი. ვგეგმვათ, რომ სტუდენტებისათვის გაცვლითი პროგრამაც დავიწყოთ, რათა ქართველმა სტუდენტებმა მალაიზიაში ფარმაცია შეისწავლონ. წლის ბოლომდე კი საქართველოში ჩამოსვლასაც ვგეგმავ"- განაცხადა, მალაიზიის სახელმწიფო მინისტრმა მუჰამედ ალი რუსტამმა.
აღსანიშნავია, რომ მალაიზიის სახელმწიფო მინისტრისა და ვერა ქობალიას შეხვედრა ბოსნია-ჰერცოგოვინაში გაიმართა, სადაც ვერა ქობალია ეკონომიკურ ფორუმს ესწრება. ვერა ქობალიამ შეხვედრები უკვე გამართა ბალკანეთის ქვეყნების მთავრობების წარმომადგენლებთან. მინისტრი შეხვდა ასევე თურქეთისა და მალაიზიის ეკონომიკის მინისტრებს.
მასალის გამოყენების პირობები
