კონგოში დაღუპულ საქართველოს მოქალაქეებს სამშოვბლოში დღეს გადმოასვენებენ. "ქრონიკის" ინფორმაციით, სპეციალური რეისი 18:00 საათზეა დანიშნული. თუმცა არ არის გამორიცხული ფრენა გადაიდოს. "აირზენას" წარმომადგენლები ეკიპაჟის დაღუპული წევრების გადმოსასვენებლად საჭირო დოკუმენტებს ამ დრომდე აგროვებენ. მატივე ინფორმაციით, გადმოსვენების ზუსტი დრო დღის ბოლოს გახდება ცნობილი.
დილიდან კი ავიაკომპანიის სათაო ოფიში სამძიმარს იღებენ. ნებისნიერ მოქალაქეს სამძიმრის წიგნში ჩანაწერის გაკეთების საშუალება აქვს.
"სპეციალური თვითმფრინავი უკვე მზად არის გადმოსვენებისათვის. ამ წუთებში წყდება ტექნიკური საკითხები, რაც ეხება საბუთებს და უკვე დღის მეორე ნახევარში გაირკვევა თუ როდის მოხდება ჩვენი დაღუპული ეკიპაჟის გადმოსვენება", _
აცხადებს "აირზენას" საზოგადოებასთან ურთიერთობის სამსახურის უფროსი ნინო გიორგობიანი.