პორტრეტს, სადაც იტალიის პრემიერ-მინისტრი სილვიო ბერლუსკონი და მისი ერთ-ერთი საყვარელი, ახალგაზრდა მაროკოელი მოცეკვავე კარიმა ელ-მარუგი, მეტსახელად რუბი, არიან გამოსახულნი, აუქციონზე გასაყიდად გაიტანენ. ამის შესახებ "როიტერი" იტყობინება.
ნამუშევარი სხვადასხვა პლასტიკური პაკეტითა და ლენტითაა შესრულებული. მისი ავტორი მხატვარი დოდი რიფენბერგია. ხელოვანის თქმით, მისი სურვილი იყო, სურათზე უპირველესად ლამაზი წყვილი წარმოეჩინა_ასაკში მყოფი პოლიტიკოსი და მისი ახალგაზრდა მეგობარი ქალი.
პორტრეტი, სახელწოდებით "სილვიო და რუბი", ჯერ კიდევ 6 აპრილს წარადგინეს საჯაროდ. სურათი 6 მაისს გაიყიდება. მსურველებს თავიანთი საწყისი ფასის დასახელება შეეძლებათ.
შეგახსენებთ, 6 აპრილს იტალიაში სილვიო ბერლუსკონისა და არასრულწლოვან მოცეკვავე გოგონას საქმესთან დაკავშირებით სასამართლო პროცესი დაიწყო. გამოძიების ვერსიით, იტალიელი პოლიტიკოსი საკუთარ ვილაში მეძავთა მონაწილეობით საღამოებს აწყობდა.
სასამართლოს სხდომაზე არც ბერლუსკონი და არც რუბი არ გამოჩენილან. მთავარი ეჭვმიტანილის გამოუცხადებლობის გამო მოსმენა 31 მაისს გაიმართა.
