22 მარტს რუსეთის პრეზიდენტი დიმიტრი მედვედევი აშშ-ს თავდაცვის მინისტრს რობერტ გეიტს შეხვდება. ინფორმაციას ამის შესახებ კრემლის პრესსამსახური ავრცელებს.
ოფიციალური ინფორმაციითვე, პენტაგონის მაღალჩინოსანი მოსკოვში ვიზიტს ორ ქვეყანას შორის სამხედრო ურთიერთობების გამყარებისთვის გამოიყენოს.
ამასთან, ვიზიტის ფარგლებში გაიმართება აშშ-სა და რუსეთის პრეზიდენტების მიერ შექმნილი სამუშაო ჯგუფის პირველი შეხვედრა, რომელიც თავდაცვით საკითხებს მიეძღვნება.
"განხილული იქნება ისეთი საკითხები, როგორებიცაა, რაკეტსაწინააღმდეგო თავდაცვის სისტემაზე თანამშრომლობა, ნატო, ევროპული უსაფრთხოება, თავდასხმითი იარაღის შემცირების საკითხი, ახლო აღმოსავლეთი და ავღანეთი, ასევე "რუსული პერიფერიის" საკითხი, მაგალითად - საქართველო", - წერს რუსული მედია.
აშშ-ს თავდაცვის მინისტრი, ხვალ, 21 მარტს, ადმირალ კუზნეცოვის სახელობის სამხედრო-საზღვაო აკადემიის უმცროსი ოფიცრების წინაშე სიტყვითაც გამოვა. ასევე შეხვდება რუსეთის თავდაცვის მინისტრს ანატოლი სერდიუკოვს.
პენტაგონის პრესსამსახურის უფროსის ჯეფ მორელის ინფორმაციით, აშშ-ს თავდაცვის მინისტრი რუსეთის მთავრობის თავმჯდომარესთან არ გამართავს შეხვედრას იმის გამო, რომ "პრემიერ-მინისრტრი იმ დროისათვის ქვეყანაში არ იქნება". "წინაღმდეგ შემთხვევაში ეს შეხვედრა აუცილებლად შედგებოდა", - დასძენს მორელი.
პენტაგონის ხელმძღვანელი რუსეთს ვიზიტით გუშინ, 19 მარტს ეწვია.
