"აფხაზეთში რუს მესაზღვრეთა ყოფნას დიდი მნიშვნელობა აქვს. ისინი ჩვენი სახელმწიფოს სტაბილურობასა და უსაფრთხოებას იცავენ", - განაცხადა აფხაზ სეპარატისტთა ლიდერმა სერგეი ბაღაფშმა დღეს ახალ ათონში აფხაზეთში მესამე რუსული სამხედრო ქალაქის გახსნისას.
"რუსი მესაზღვრეების გარეშე შეუძლებელია ეკონომიკის, კულტურისა და სამოქალაქო საზოგადოების ნორმალური განვითარება. ომის რელსებიდან მშვიდობისა და შენების რელსებზე გადავდივართ. ეს პროცესი რთულია, მაგრამ უკვე დაიწყო და ეს ძალიან გვახარებს", - განაცხადა ბაღაფშმა.
