მართლმადიდებლური ეკლესია უკრაინლებს არ ურჩევს 8 მარტის, როგორც საერთაშორისო დღის, აღნიშვნას, რომელიც დიდმარხვის პირველ კვირას ემთხვევა.
"უმჯობესია, დედის დღე იზეიმოთ",_ აღნიშნა ლუცკისა და ვოლინსკის არქიეპისკოპოსმა მიხეილმა.
"კურთხევას ვაძლევთ მორწმუნეებს, ქალებს ყოველდღიურად მიაქციონ ყურადღება და არა_მხოლოდ წელიწადის ერთ დღეს. ყოველდღიურად პატივს უნდა ვცემდეთ დედობასა და მანდილოსნებს. 8 მარტი კი მხოლოდ ერთი დღით ვალის მოხდას ნიშნავს მათ წინაშე",_აღნიშნა ღვთისმსახურმა.
გარდა ამისა, სულიერმა მამამ მამაკაცებს ურჩია, თუ სურთ მანდილოსნებს მეტი ყურადღება დაუთმონ, უნდა აღნიშნონ რელიგიური და სხვა უკრაინული დღესასწაულები, რომლებიც ადიდებენ ქალს, როგორც დედას,
"არ მივიჩნევ, რომ 8 მარტთან დაკავშირებით აჟიოტაჟი უნდა შექმნან. თუკი მამაკაცები მანდილოსნებისთვის მილოცვას მაინც გადაწყვეტენ, უმჯობესია, საჩუქრები კვირას მიართვან, რადგან 6 მარტი ყველიერის უკანასკნელი დღეა, ორშაბათს კი დიდმარვა იწყება",_აღნიშნა არქიეპისკოპოსმა მიხეილმა.
ამასთან, არქიეპისკოპოსმა მრევლს დიდმარხვის დაცვისკენ მოუწოდა.
