ევროკავირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში კაია კალასმა მკაცრად დაგმო რუსეთის მიერ კრივი რიჰზე თავდასხმა, რომელსაც სულ მცირე 16 ადამიანი ემსხვერპლა.
ამის შესახებ კალასი X-ზე წერს.
ევროპული დიპლომატიის ხელმძღვანელმა აღნიშნა, რომ ეს თავდასხმა მოსკოვის მიერ გაჩაღებული ომის აბსოლუტურ და სრულ ამორალურობაზე მიუთითებს.
"რუსეთის თავდასხმა კრივი-რიჰის სავაჭრო ცენტრზე მოსკოვის მიერ წარმოებული ომის აბსოლუტურ და სრულ ამორალურობას აჩვენებს.
ეს მიზანმიმართული ტერორია. რუსეთს სურს, უკრაინის ქალაქები საცხოვრებლად გამოუსადეგარი გახადოს.
რუსეთის წინააღმდეგ ომის დაწყების შემდეგ ყველაზე მასშტაბური სანქციების პაკეტის შემოღებას ვთავაზობ. ზეწოლა უნდა გაძლიერდეს მანამდე, ვიდრე მოსკოვი ომს არ დაასრულებს.
ევროკავშირის საგარეო საქმეთა და თავდაცვის მინისტრები განიხილავენ, როგორ გავაფართოოთ უკრაინის მხარდაჭერა, მათ შორის საჰაერო და სარაკეტო თავდაცვის მიმართულებით, როდესაც ისინი ორ კვირაზე ნაკლებ დროში დუბლინში შეიკრიბებიან“, - განაცხადა კალასმა.
ბოლო მონაცემებით, სავაჭრო ცენტრზე რუსების თავდასხმას 16 ადამიანი ემსხვერპლა, დაშავებულია 130.
