დასავლეთ აფრიკის ქვეყნის, მალის, თავდაცვის მინისტრი სადიო კამარა, რომელიც რუსეთისთან დაახლოების მხარდამჭერი იყო, შაბათს საკუთარ რეზიდენციაზე თავდასხმის შედეგად დაიღუპა. თავდასხმა განახორციელა დაჯგუფებამ, რომელიც დაკავშირებულია ალ-ქაიდასათან.
ინფორმაციას Reuters ავრცელებს.
ოპერაცია განხორციელდა ქალაქ კატიში, ბამაკოდან დაახლოებით 15 კმ-ის ჩრდილოეთით, და წარმოადგენდა უფრო ფართო შეტევის ნაწილს, რომელსაც ახორციელებდა დაჯგუფება JNIM („ჯამაათ ნუსრატ ალ-ისლამ ვალ-მუსლიმინ“), რომელიც თანამშრომლობდა ტუარეგებით დომინირებულ მეამბოხე ჯგუფთან. ანალიტიკოსებისა და დიპლომატების შეფასებით, ეს ბოლო წლების ერთ-ერთი ყველაზე მასშტაბური კოორდინირებული თავდასხმა იყო ქვეყანაში.
კამარას ერთ-ერთმა ნათესავმა Reuters-ს დაუდასტურა მისი გარდაცვალება, ხოლო მალის ჟურნალისტმა, რომელიც მინისტრის სიძეა, ამის შესახებ ინფორმაცია Facebook-ზე გაავრცელა. გამოცემის ერთ-ერთმა წყარომ ასევე განაცხადა, რომ კვირას დილით კატის რაიონში სროლის ხმა ისმოდა.
გაერო-მ დასავლეთ აფრიკის საჰელის რეგიონში ძალადობასა და ტერორიზმზე საერთაშორისო რეაგირებისკენ მოუწოდა.
„გენერალური მდივანი ღრმად შეშფოთებულია მალის სხვადასხვა რაიონში განხორციელებული თავდასხმების შესახებ ინფორმაციით და მკაცრად გმობს ამ ძალადობრივ ქმედებებს“, - დაწერა გაერო-ს წარმომადგენელმა პლატფორმა X-ზე.
მოქმედი ხელისუფლება, რომელსაც ასიმი გოიტა ხელმძღვანელობს, 2020 და 2021 წლებში სახელმწიფო გადატრიალებების შედეგად მოვიდა ხელისუფლებაში და ცდილობს რუსეთთან უფრო მჭიდრო კავშირების დამყარებას, პარალელურად კი უარს ამბობს დასავლეთთან სამხედრო თანამშრომლობაზე.
