ირანის პარლამენტის სპიკერმა მოჰამად ბაღერ ღალიბაფმა განაცხადა, რომ აშშ-ის პრეზიდენტი დონალდ ტრამპი ავრცელებს ცრუ ინფორმაციას, რომელიც მას წარმატების მიღწევაში ვერ დაეხმარება ვერც მოლაპარაკებებზე და ვერც ბრძოლის ველზე.

ამის შესახებ ღალიბაფი Х-ზე წერს.

"1- ამერიკის შეერთებული შტატების პრეზიდენტმა ერთ საათში შვიდი განცხადება გააკეთა და ყველა მათგანი ტყუილი იყო.

2- ამ ტყუილებით ისინი ომს ვერ მოიგებენ და ვერც მოლაპარაკებებში მიაღწევენ რაიმე შედეგს.

3- ბლოკადის გაგრძელების შემთხვევაში, ჰორმუზის სრუტე ღია არ დარჩება", - წერს ღალიბაფი .

მისი თქმით, ჰორმუზის სრუტის გავლა განხორციელდება „განსაზღვრული მარშრუტით“ და „ირანის ნებართვით“.

"სრუტე ღია იქნება თუ დახურული, ასევე მისი გავლის წესები განისაზღვრება ადგილზე და არა სოციალურ ქსელებში", - წერს ირანის პარლამენტის სპიკერი.

ცნობისათვის, 17 აპრილს ტრამპმა საკუთარ სოციალურ ქსელში დაწერა, რომ ჰორმუზის სრუტე „მზად არის ფუნქციონირებისთვის და გემების სრულად გატარებისთვის“.