თბილისში მიმდინარე ევროპის ჩემპიონატზე ძიუდოში ლუკა მაისურაძემ (90კგ) ოქროს მედალი მოიპოვა. ფინალურ შეხვედრაში მსოფლიო ჩემპიონმა სერბეთის ნაკრების წევრი ნემანია მაიდოვი ვაზარით დაამარცხა და ევროპის ჩემპიონი კარიერაში მეორედ გახდა.
აღნიშნული ოქროს მედალი ევროპის ჩემპიონატებზე ლუკა მაისურაძისთვის მეოთხეა. ჩემპიონი ის 2022 წელს გახდა, ხოლო 2019 და 2020 წლებში ბრინჯაოს მედალი მოიპოვა.
ევროპის ჩემპიონები ასევე გახდნენ ეთერ ლიპარტელიანი (57კგ) და ლაშა შავდათუაშვილი (73კგ), ხოლო ვერცხლის მედალი ქართულ დელეგაციას გიორგი სარდალაშვილმა (60კგ) და ტატო გრიგალაშვილმა (81კგ) შესძინეს.
