სიღნაღში, ბოდბის წმინდა ნინოს სახელობის მონასტერთან მისასვლელ საავტომობილო გზას რეაბილიტაცია უტარდება. გზა მეწყერულ ზონაშია მოქცეული და სავალი ნაწილი რამდენიმე ადგილზე ჩანგრეული იყო.
სარებილიტაციო სამუშაოები ცენტრალური ბიუჯეტიდან გამოყოფილი თანხით არის დაფინანსებული. პროექტის ფარგლებში კაპიტალურად მოეწყო მიწის ჩამოშლის შემაკავებელი რამდენიმე კედელი და სანიაღვრე არხები.
