შემოსავლების სამსახურის საგამოძიებო დეპარტამენტის იმერეთი, რაჭა ლეჩხუმი და გურიის სამმართველოს თანამშრომლებმა ფალსიფიცირებული კვების პროდუტების დამზადება-რეალიზაციის ფაქტზე დააკავეს ინდმეწარმე ზურაბ კილასონია და ჯემალ ეზუგბაია, რომელიც საგადასახადო ინსპექციის გვერდის ავლით ახორციელებდა სამეწარმეო საქმიანობას.
ზ. კილასონია და ჯ. ეზუგბაია ქალაქ ფოთში ერთმანეთის მეზობლად ცხოვრობდნენ და კუსტარულ საამქროებში ყოველგვარი სანიტარული ნორმების უგულებელყოფით ეწეოდნენ ე.წ, „ქაფშია-თევზის" შებოლვასა და შემდგომ რეალიზაციას. მათ მიერ დამზადებულ პროდუქტს ჩაუტარდა ქიმიური ექსპერტიზა, რომლის თანახმად შებოლილი თევზი „ქაფშია" ფალსიფიცირებული და ადამიანის სიცოცხლისა და ჯანმრთელობისათვის საშიში პროდუქტი აღმოჩნდა.
მიმდინარეობს წინასწარი გამოძიება საქართველოს სისხლის სამართლის კოდექსის 198-ე მუხლით, რომელიც ითვალისწინებს თავისუფლების აღკვეთას სამიდან ხუთ წლამდე ვადით.
