ფინეთის პრეზიდენტმა ალექსანდერ სტუბმა მიუნხენის უსაფრთხოების კონფერენციაზე უკრაინელებს მიმართა: „რჩევის მოცემა არ მინდა. მაგრამ ვფიქრობ, რომ ამ ომს იგებთ“.
„პუტინმა სტრატეგიულად წააგო. მას სურდა, რომ უკრაინა რუსული გამხდარიყომ მაგრამ ის გახდა ევროპული. მას სურდა ნატო-ს გაფართოების თავიდან აცილება, ფინეთი და შვედეთი ნატო-ში გაწევრიანდნენ. მას სურდა ჩვენი სამხედრო ხარჯების შემცირება, მაგრამ ის 5%-მდე იზრდება.
ის ასევე ფრონტის ხაზზე აგებს. როდესაც ომი 12 წლის წინ დაიწყო, რუსეთმა უკრაინის ტერიტორიის დაახლოებით 12% დაიპყრო. მას შემდეგ კიდევ 8%. ბოლო ორი წლის განმავლობაში - 1%. დეკემბერში უკრაინელებმა 44 000 რუსი ჯარისკაცი გაანადგურეს. და რუსეთს არ შეუძლია მათი წვევამდელებით ჩანაცვლება. ჩემი პასუხია, უბრალოდ განაგრძეთ იმის კეთება, რასაც აკეთებთ და საბოლოოდ თქვენ გაიმარჯვებთ და მოიგებთ ამ ომს“, - განაცხადა სტუბმა უკრაინელებისადმი მიმართვისას.
