დიდი ბრიტანეთის პრინცესა ანა კიევში მოულოდნელი ვიზიტით იმყოფებოდა. იუწყება Sky News
ვიზიტის დროს იგი შეხვდა პრეზიდენტს და პირველ ლედის, პატივი მიაგო დაღუპული ბავშვების ხსოვნას და ესაუბრა რუსეთიდან დეპორტირებულ მოზარდებს.
ბუკინგემის სასახლის განცხადებით, მოგზაურობის მთავარი მიზანი იყო ყურადღების მიპყრობა „ფრონტის ხაზზე მცხოვრები ბავშვების ტრავმულ გამოცდილებაზე“.
კიევში ყოფნისას, პრინცესა, პირველ ლედისთან, ოლენა ზელენსკასთან ერთად, მეორე მსოფლიო ომში უკრაინის ისტორიის ეროვნულ მუზეუმს და წმინდა მიქაელის ტაძარს ეწვია, სადაც მან პატივი მიაგო იმ ახალგაზრდა უკრაინელების ხსოვნას, რომელთა სიცოცხლეც რუსეთმა შეიწირა.
ვიზიტის ფარგლებში პრინცესა ანა ასევე შეხვდა უკრაინის პრეზიდენტ ვოლოდიმირ ზელენსკის, რათა განეხილათ დიდი ბრიტანეთის მიერ უკრაინისადმი მხარდაჭერის გაგრძელება.
ვიზიტი პრინცესას ძმისშვილის, პრინცი ჰარის კიევში ჩასვლიდან რამდენიმე კვირაში შედგა. პრინცი ჰარი უკრაინაში ყოფნის დროს დაჭრილ უკრაინელ ვეტერანებს შეხვდა.
