საქართველოს სტატისტიკის ეროვნული სამსახურის მონაცემების მიხედვით, 2024 წელს საქართველოს მოქალაქეობა უცხო ქვეყნის 3 587 მოქალაქეს მიენიჭა, აქედან 2 739 პირის დაბადების ადგილი საქართველოა. 

საქართველოს მოქალაქეობა ყველაზე მეტმა, 2 361-მა რუსეთის მოქალაქემ მიიღო. მეორე ადგილზეა გერმანია, მესამეზე უკრაინა. ჩამონათვალში ასევე არის ირანის ისლამური რესპუბლიკაც, „საქსტატის“ ცნობით, კონფიდენციალურია მონაცემები ირანის რამდენ მოქალაქეს მიენიჭა საქართველოს მოქალაქეობა.

 სტატისტიკის ეროვნული სამსახურის ცნობით, 2024 წელს საქართველოს მოქალაქეობა 1 592 პირს შეუწყდა. აქედან 1 177 პირის დაბადების ადგილი საქართველოა. ამ შემთხვევაშიც, რუსეთის ფედერაციაა პირველ ადგილზე. 2024 წლის განმავლობაში რუსეთის ფედერაციის მოქალაქეობის მიღების გამო, სტატუსი საქართველოს 802 მოქალაქეს შეუწყდა. შემდეგ ადგილზეა საბერძნეთი, რომლის მოქალაქეც საქართველოს 200 მოქალაქე გახდა.