ბათუმის აქციების მედროშემ, თემურ ქათამაძემ შიმშილობა შეწყვიტა - ამის შესახებ კლინიკა ვივამედის კლინიკურმა დირექტორმა ზურაბ ჩხაიძემ ტელეკომპანია ფორმულას განუცხადა.
დღეს, 5 მარტს საქართველოს ახალგაზრდა იურისტთა ასოციაციამ გაავრცელა ინფორმაცია, რომ შიმშილობის 48 დღეს, 4 მარტს, თემურ ქათამაძე სამედიცნო დაწესებულებაში გადაიყვანეს.
"გავუწიეთ კონსულტაცია, ავიხსენით მოსალოდნელი გართულებების შესახებ და პაციენტმა სრულად გაითავისა მოსალოდნელი გართულებები. ჩვენი კონსულტაციების და რეკომენდაციების შემდეგ, თემურ ქათამაძემ შიმშილობა შეწყვიტა" - ამბობს ვივამედის კლინიკური დირექტორი ზურაბ ჩხაიძე ფორმულასთან.
ჩხაიძის თქმით, თემურ ქათამაძე თერაპიულ განყოფილებაშია მოთავსებული, ჩაუტარდა ყველა საჭირო კვლევა და მისი ჯანმრთელობის მდგომარეობა დამაკმაყოფილებელია.
