ბელარუსის პრეზიდენტმა ალექსანდრ ლუკაშენკამ განაცხადა, რომ მინსკი მზადაა მოამზადოს მოლაპარაკებები აშშ-ის პრეზიდენტ დონალდ ტრამპს, უკრაინის პრეზიდენტ ვოლოდიმირ ზელენსკის და რუსეთის ლიდერ ვლადიმირ პუტინს შორის.
„ჩვენ უნდა დავარწმუნოთ და მივაღწიოთ შეთანხმებას ზელენსკისთან, რადგან ზელენსკის უკან უკრაინული საზოგადოების დიდი ნაწილი დგას. ამიტომ, საწიროა შეთანხმება. თუ გსურთ, ჩამოდით. აქვე, ახლოს - ბელარუსის საზღვრიდან კიევამდე 200 კილომეტრში. ნახევარი საათი თვითმფრინავით. ჩამოდით. აქვე დავსხდებით. მშვიდად, ხმაურის, ყვირილის გარეშე შევთანხმდეთ. ასე რომ, გადაეცით ტრამპს: მე მას ველოდები აქ პუტინთან და ზელენსკისთან ერთად. დავსხდეთ და მშვიდად შევთანხმდეთ. თუ მოლაპარაკება გინდათ“, - განაცხადა ლუკაშენკამ.
ამავე დროს, ლუკაშენკომ აღნიშნა, რომ არ ისურვებდა შუამავლის როლის შესრულებას „უკრაინის საკითხში“.
„მინდა გაიგოთ ჩემი პოზიცია. რაც ყველაზე მეტად მძულს არის შუამავლობა. ეს ნიშნავს ვინმეს შორის ყოფნას და თავის მოჩვენებას, რომ იქ რაღაცის გაკეთება შეგიძლია.
მით უფრო იყო შუამავალი აშშ-სა და რუსეთს შორის ან აშშ-სა და ჩინეთს შორის და ა.შ.
ჩვენ გვაქვს შესანიშნავი ურთიერთობა რუსეთთან და ჩინეთთან. მაგრამ მაინც ღმერთმა დამიფაროს, რომ მე ვიყო ერთგვარი შუამავალი ამ გიგანტებს შორის.
იმისათვის, რომ იყო შუამავალი, როგორც დღევანდელი ვითარება აჩვენებს, უნდა გქონდეს ძლიერი რესურსი ან კიდევ სხვა რამ“, - განაცხადა ლუკაშენკამ.
