მობილური ოპერატორი "ბილაინი" სოციალური პასუხისმგებლობის პროექტს "ნათელი ფერები ბავშვებს" მეორე ეტაპის შედეგებს აცხადებს.
აქციის მეორე ეტაპი, 9 ნოემბერს, გურიაში დაიწყო.
მასში მონაწილეობა ბილაინის ნებისმიერ ახალ აბონენტს, რომელიც 9 ნოემბრიდან, 9 იანვრის ჩათვლით, მობილურ ტელეფონს ბილიანისაგან ან სასტარტო პაკეტს ახლადგახსნილ აბონენტთა მომსახურების ოფისში გურიაში შეიძენდა , შეეძლო.
გაყიდული მობილური ტელეფონის ღირებულებიდან 1 ლარი, ხოლო ნებისმიერი სასტარტო პაკეტის ღირებულებიდან, 50 თეთრი გადაერიცხა მცირე საოჯახო სახლს სადაც 8 ბავშვი იზრდება.
სულ შეგროვდა 1500 ლარი, და ეს თანხა საოჯახო სახლის აღსაზრდელებისათვის, თბილი ტანსაცმლის და პირველადი საჭიროების ნივთების შეძენას მოხმარდა.
აქციაში ჩართვა ბილაინის ნებისმიერ ახალ აბონენტს შეეძლება,
" "ნათელი ფერები ბავშვებს" არ იქნება ერთჯერადი ღონისძიება და ყველა ჩვენი ახალი ოფისი მზრუნველობამოკლებული ადამიანების დახმარებისაკენ მიმართული აქტივობებით გაიხსნება" - განაცხადა ბილაინის გენერალურმა დირექტორმა ანდრეი პიატახინმა.
შეგახსენებთ, რომ სოციალური პასუხისმგებლობის კამპანია " ნათელი ფერები ბავშვებს" ბილაინმა თბილისში 6 ივლისს წამოიწყო, შეგროვილი თანხით თბილისის ბავშვთა სახლის აღსაზრდელებისთვის სამხატვრო ოთახი მოეწყო.
