ამავე აქციის ფარგლებში მომღერლები დავით გომართელი, ნოდიკო ტატიშვილი, სალომე ბაკურაძე და ილუზიონისტები 55-ე, 161-ე, 53-ე, 24 -ე და 43-ე სკოლებს ესტუმრნენ. მსახიობებმა მოსწავლეებისათვის სპეციალური შოუ დადგეს, ბავშვებს კი საგანგებოდ მომზადებული ტკბილეული დაურიგდათ.

დიმიტრი შაშკინის თქმით, უსაფრთხო სკოლის კონცეფციის ფარგლებში, სკოლების 1/3-ში სასადილოები უკვე გახსნილია და ეს პროცესი გაგრძელდება. სასადილოებში კი, სადაც მოსწავლეები საკვებს საკრედიტო ბარათებით ყიდულობენ, პროდუქტის ხარისხი მუდმივად კონტროლდება.

ცნობისთვის, მოსწავლეების უსაფრთხოების მიზნით სკოლებში აიკრძალა ნაღდი ფულის ბრუნვა, ანგარიშსწორება ელექტრონული ბარათებით მიმდინარეობს.

სკოლებში ნაღდი ფულის ბრუნვის აკრძალვა და ბარათების შემოღება უსაფრთხო სკოლის პროგრამის ერთ-ერთი მთავარი პრიორიტეტია და მიზნად ისახავს, უსაფრთხო და ჯანსაღი სკოლის კონცეფციის დანერგვასა და განვითარებას.

შეგახსენებთ, უსაფრთხო და ჯანსაღი სკოლის კონცეფციის ფარგლებში კომპანია ,,გოგლი-მოგლმა'' 2010 წელს თბილისის რამდენიმე საჯარო სკოლის სასადილო კეთილმოაწყო და თანამედროვე ტექნიკით აღჭურვა.