"საშვილოსნოს ყელის კიბოს პრევენციის კვირეული 2011"-ის ფარგლებში დევნილი ქალბატონებისთვის საქველმოქმედო აქცია იმართება.
როგორც "ჯი-ეიჩ-ენს" აქციის ორგანიზატორებმა განუცხადეს, კვირეულის პირველი დღეს დაგეგმილია რისკ-ფაქტორების მქონე იძულებით გადაადგილებულ პირთა უფასო გასინჯვები, Aასევე აფხაზეთიდან დევნილი მეან-გინეკოლოგების, ოჯახის ექიმებისა და პეკინის #41-ში კომპაქტურად ჩასახლებული დევნილებისათვის საგანმანათლებლო ტრეინინგის ჩატარება.
სამედიცინო აქცია კლინიკური მედიცინის სამეცნიერო-კვლევითი ინსტიტუტის ბაზაზე ტარდება და მასში მონაწილეობას მიიღებენ საქართელოს კოლპოსკოპიის ფედერაცია და აფხაზეთის ჯანდაცვის სამინისტრო.
ღონისძიებას, აფხაზეთის შრომის, ჯანმრთელობისა და სოციალური დაცვის მინისტრი ლექსო ლაგვილავა დაესწრება.
აქცია, კლინიკური მედიცინის სამეცნიერო-კვლევითი ინსტიტუტში (თევდორე მღვდელის #14) დილის 09:30 საათზე დაიწყება.
შეგახსენებთ, რომ "საშვილოსნოს ყელის კიბოს პრევენციის კვირეული 2011", საქართველოს პირველის ლედის სანდრა-ელისაბედ რულოვსის პატრონაჟით,
24 - 29 იანვარს ტარდება.
