17 იანვარს, ეკონომიკისა და მდგრადი განვითარების სამინისტრო სასარგებლო წიაღისეულის მოპოვების ლიცენზიის გაცემის მიზნით დაგეგმილ აუქციონზე, მხოლოდ ერთი ობიექტის გასხვისებას გეგმავს.
სამინისტრო აუქციონზე ოზურგეთში, სოფელ გონებისკარის მიმდებარე ტერიტორიაზე, სასარგებლო წიაღისეულის შესწავლა-მოპოვება, ლიცენზიას ყიდის, რომლის მოქმედების ვადაც 25 წლითაა განსაზღვრული. ობიექტის საწყისი ღირებულება 84 000 ლარია.
ეკონომიკისა და მდგრადი განვითარების სამინისტროში აუქციონში მონაწილეობის თაობაზე განცხადებები 13 იანვრის ჩათვლით მიიღება.
შეგახსენებთ, რომ 2010 წლის განმავლობაში, სასარგებლო წიაღისეულის მოპოვების ლიცენზიის გაცემის მიზნით გამართული აუქციონების შედეგად შემოსულმა თანხამ 8,2 მლნ. ლარი შეადგინა.