ინდონეზიის კუნძულ სუმატრასთან ბორანი ჩაიძირა, რომელზეც 200 მგზავრზე მეტი იმყოფებოდა. ამის შესახებ ინფორმაციას "ფრანს პრესი" ავრცელებს.
"ბორანის მგზავრთა სიაში 213 ადამიანი და ეკიპაჟის 13 წევრია კაპიტნის ჩათვლით. ამ დროისთვის მრავალი მათგანი ჯერ კიდევ წყალში იმყოფება და ჩვენ ვატარებთ ყველა სახის სამუშაოებს მათ გადასარჩენად", - აცხადებენ ადგილობრივი პოლიციის წარმომადგენლები.
წინასწარი ინფორმაციით, ბორანის ჩაძირვის მიზეზი შესაძლოა ცუდი ამინდი გამხდარიყო.
