უკრაინის უმაღლესი რადის ფრაქცია "ხალხის მსახურის" თავმჯდომარე, დავით არახამია ეხმიანება რუსეთის უშიშროების საბჭოს მდივნის მოადგილის, დმიტრი მედვედევის პოსტს, რომლის თანახმადაც, "საქართველო შეიძლება მხოლოდ რუსეთის შემადგენლობაში გაერთიანდეს".
მედვედევის პოსტი გამოქვეყნებიდან რამდენიმე წუთში წაიშალა.
"საქართველოს მცდელობა, დაუახლოვდეს აგრესორს, კიდევ უფრო დიდ ტერიტორიულ დანაკარგებს გამოიწვევს, მაგრამ თბილისის პრორუსულ ხელისუფლებას ეს ჯერ კიდევ არ ესმის.
რუსი ოლიგარქის ბიძინა ივანიშვილის პოლიტიკა, რომელიც აგრძელებს ბიზნესის კეთებას სანქციების გვერდის ავლით და საქართველოს ხელისუფლების, რომელიც აგრესორთან ერთად თამაშობს, მხოლოდ იმას გამოიწვევს, რომ შემდეგი საქართველო იქნება. მოსკოვში კი ამას აღარ მალავენ.
ამიტომ დეოლიგარქიზაცია ქართველი ხალხის ნომერ პირველი მიზანი უნდა გახდეს. ეს არის ერთადერთი შესაძლებლობა ევროპაში შესასვლელად და არა რუსი აგრესორის ხელში აღმოსაჩენად", - წერს არახამია ტელეგრამის არხზე.
