ლიეტუვა გმობს ოკუპირებულ ცხინვალის რეგიონში მიმდინარე ე.წ. საპრეზიდენტო არჩევნებს.
ლიეტუვის საგარეო საქმეთა სამინისტროს განცხადებით, ვილნიუსი უკანონოდ მიიჩნევს ე.წ. არჩევნებს და საქართველოს ტერიტორიული მთლიანობის ერთგულია.
"ლიეტუვა არ ცნობს რუსეთის ფედერაციის მიერ ცხინვალის/სამხრეთ ოსეთის რეგიონის უკანონო ოკუპაციის პირობებში ორგანიზებული ე.წ. "საპრეზიდენტო არჩევნების" ლეგიტიმურობას. ჩვენი მტკიცე მხარდაჭერა საქართველოს ტერიტორიულ მთლიანობასა და სუვერენიტეტს", - აღნიშნულია განცხადებაში.
შეგახსენებთ, ოკუპირებულ ცხინვალის რეგიონში ე.წ. საპრეზიდენტო არჩევნები იმართება.
