"ევროპული საქართველოს" წევრი გიგი უგულავა პრემიერ-მინისტრ ირაკლი ღარიბაშვილის გადადგომას მოითხოვს. ამის შესახებ გიგი უგულავა სოციალურ ქსელში წერს.
"სანამ რიგგარეშე იქნება ეს საზიზღრობა, პრემიერად წოდებული უნდა გადადგეს. ამას ხელი ვინ უნდა ჩამოართვას", - წერს გიგი უგულავა.
პოლიტიკოსი ამ განცხადებით ტელეკომპანია "პირველის" ეთერში გასულ საუბრის ჩანაწერს ეხმიანება.
შეგახსენებთ, რომ ტელეკომპანია "პირველის" ეთერში "ნოდარ მელაძის შაბათში" გავიდა სატელფონო საუბრის ჩანაწერი, სადაც, ავტორების მტკიცებით, პრემიერ-მინისტრი ირაკლი ღარიბაშვილი და ბიძინა ივანიშვილის შვილი, ბერა ივანიშვილი საუბრობენ.