1 მარტს ინდოეთის მასშტაბით დაიწყო კოვიდ 19-ის საწინააღმდეგო ვაქცინაციის მეორე ფაზა, რომლის ფარგლებში დაგეგმილია დაახლოებით 270 მილიონი მოქალაქის ვაქცინაცია.
მეორე ეტაპი გულისხმობს ყველა 60 წელს გადაცილებული მოქალაქის და ქრონიკული დაავადებების მქონე 45 წელს გადაცილებული მოქალაქეების ვაქცინირებას.
მეორე ფაზის ფარგლებში, დღეს დილით, ინდოეთის პრემიერ-მინისტრი, ნარენდრა მოდი აღმოჩნდა ერთ-ერთი პირველი, რომელმაც მიიღო ინდოეთში Bharat Biotech-ის მიერ წარმოებული ვაქცინის პირველი დოზა. საქართველოს საელჩო დელიში სრული შემადგენლობით აიცრება ახლო მომავალში, ინდოეთის საგარეო საქმეთა სამინისტროს მიერ დელიში აკრედიტებული დიპლომატიური მისიებისთვის და საერთაშორისო ორგანიზაციებისთვის შეთავაზებული ვაქცინაციის კეთილი ნების პროგრამის ფარგლებში.
