„ნიკა მელიამ თავისი პრინციპული პოზიცია თავიდანვე დააფიქსირა, რადგან ზოგადად, ფეხქვეშ არის გათელილი კანონის უზენაესობა, რვა მარტის შეთანხმება იყო დარღვეული, საარჩევნო კამპანიის დროს ძალადობა იყო დაუსჯელი, არჩევნები მოიპარეს, მისი საქმეც უტიფრად შეკერილი პოლიტიკური საქმეა", აცხადებს „ევროპული საქართველოს“ ლიდერმა გიგა ბოკერია. მისი თქმით, სწორედ ამიტომ მელიამ პრინციპულად დააფიქსირა პოზიცია, რომ გირაოს არ შეიტანს.
"ახლა ამ სამარცხვინო ოპერაციის შემდეგ, კატასროფულის, რასაც მოჰყვა ზვავი, ბუნებრივია, თავისუფალი სამყაროს რეაქციის უკან დაბრუნება და თქმა, რომ ის, რაზეც მან პრინციპული პოზიცია დაიკავა, ახლა გადათქვამთ თუ არაო, არ მგონია რეალური. მის ნაცვლად ვერ ვისაუბრებ, მაგრამ რამდენადაც ვიცი, არ შეუცვლია ეს პოზიცია და მხარს ვუჭერ მის გადაწყვეტილებას როგორც მორალურად, ისე პრაგმატულად.
ეს არ არის უკან დახევა, უნიჭო პიარსვლა. ნერვიულობენ ივანიშვილი და მისი გარემოცვა, ოღონდ ჯერ არასაკმარისად ნერვიულობენ, ნერვიულობენ იმდენად, რომ ეს რაღაც იაფფასიანი სვლა გააკეთონ, ხოლო როცა მიხვდებიან, რამდენად სერიოზული სანერვიულო აქვთ, მაშინ თვითონ მოიფიქრებენ ფორმას, როგორ განათავისუფლონ მელია, რვა მარტის შეთანხება შეასრულონ, გაათავისუფლლონ რურუა, საერთოდ შეწყვიტონ პოლიტიკური დევნა, შევთანხმდეთ, ვიაროთ მშვიდად და მშვიდობიანად ვადამდელი, ნორმალური არჩევნებისკენ, – განაცხადა გიგა ბოკერიამ.
