ნიკა მელიას დაკავებასთან დაკავშირები ამერიკელი კონგრესმენის ადამ კინზინგერის კრიტიკას ფრაქცია "ქართული ოცნების" თავმჯდომარე მამუკა მდინარაძე პასუხობს.
მამუკა მდინარაძის განცხადებით, დონალდ ტრამპს იმის მეასედიც არ გაუკეთებია, რაც მელიამ საქართველოში გააკეთა.
"რაც შეეხება ადამ კინზინგერის განცხადებას, ჩვენი პოზიცია და მისი პოზიცია ნამდვილად არ ემთხვევა ერთმანეთს და ამიტომ, მისი კრიტიკის ობიექტები გავხდით. თუმცა, ნამდვილად გასაკვირია ის ფაქტი, როდესაც მისი პოზიცია აბსოლუტურად განსხვავებული იყო თავის ქვეყანაში, როცა ის აკრიტიკებდა და მხარს უჭერდა ამერიკის შეერთებული შტატების პრეზიდენტის იმპიჩმენტს, მაშინ, როდესაც ამერიკის შეერთებული შტატების ყოფილ პრეზიდენტს [დონალდ ტრამპს] მეასედიც არ გაუკეთებია იმისა, რაც საქართველოში ნიკა მელიამ გააკეთა", - თქვა მამუკა მდინარაძემ.