ვერავინ დადგება კანონზე მაღლა, ვერ იქნება ორმაგი სტანდარტები, თუ სხვაგან პარლამენტზე შტურმი ცუდია, ის ცუდია ჩვენს ქვეყანაშიც. განაცხადა თეა წულუკიანმა საქართველოს პირველი არხის ეთერში.
თეა წულუკიანმა კიდევ ერთხელ გადაუხადა მადლობა პოლიციას და აღნიშნა, "ეს მართლაც რომ იყო მაღალკვალიფიციურად წარმოებული ოპერაცია".
"რაც შეეხება საერთაშორისო თანამეგობრობას, რა თქმა უნდა, როგორც აქამდე, ჩვენ ვისაუბრებთ ფაქტებზე, პარლამენტის კარი ყველასთვის ღიაა, დიალოგის კარი "ქართულ ოცნებას" არ დაუხურავს და ჩვენ ვართ ის პირველი პოლიტიკური ძალა ამ ქვეყანაში, ვინც ოპოზიციური ძალებისთვის მაქსიმუმი გააკეთა, რათა მათ შეძლებოდათ პარლამენტში ყოფნა, შეძლებოდათ აქტიურ პოლიტიკურ სცენაზე ყოფნა, ჩვენ ამას ასეც გავაგრძელებთ, მაგრამ ვერავინ ვერ დადგება კანონზე მაღლა და ვერ იქნება ორმაგი სტანდარტები. თუ ერთ ქვეყანაში პარლამენტზე შტურმი ცუდია, ის ასევე ცუდია ჩვენს ქვეყანაში", - განაცხადა თეა წულუკიანმა საქართველოს პირველი არხის ეთერში.