ხელისუფლების ამაზრზენი ქცევის მიუხედავად, ჩვენ არ ვამბობთ უარს მოლაპარაკებებზე, მაგრამ გამორიცხულია რამე ტიპის შეთანხმება, თუ ნიკა მელია დარჩება ციხეში. განაცხადა ნინო ბურჯანაძემ ევროკავშირის ელჩის რეზიდენციაში, დიპლომატებსა და ოპოზიციის ლიდერებს შორის გამართული შეხვედრის, შემდეგ.
"ოპოზიციამ განაცხადა, რომ მიუხედავად ხელისუფლების აბსოლუტურად ამაზრზენი ქცევისა, როდესაც კობახიძემ ჩამონათვალი გააკეთა, შემდეგი ვინ უნდა დააპატიმრონ, მიუხედავად იმისა, რომ ოპოზიციის მცდელობა, არ გართულებულიყო ვითარება, ოპოზიციის სისუსტედ მოინათლა, ჩვენ არ ვამბობთ მოლაპარაკებებზე უარს, მაგრამ გამორიცხულია, რამე ტიპის შეთანხმება მოხდეს, თუ ნიკა მელია დარჩება ციხეში, თუ პოლიტიკური პატიმრები დარჩებიან ციხეში, თუ პოლიტიკური დევნა გაგრძელდება, გამორიცხულია, რომ პროცესი დალაგდეს. მთავარი პირობები არის ვადამდელი არჩევნები, პოლიტიკური პატიმრების გათავისუფლება და პოლიტიკური დევნის შეწყვეტა, ეს არის ზგა იმისა, რომ ქვეყანა გამოვიდეს ჩიხიდან", - აღნიშნა ნინო ბურჯანაძემ.
