ამერიკელი კონგრესმენი ადამ კინზინგერი კიდევ ერთხელ ეხმიანება "ნაციონალური მოძრაობის" თავმჯდომარის, ნიკა მელიას დაკავებას.
"უკიდურესად უგუნური ნაბიჯი საქართველოს ხელისუფლების მხრიდან ლეგიტიმური პარტიის წინააღმდეგ. სევდიანი დღეა საქართველოს დემოკრატიისთვის", - წერს ადამ კინზინგერი სოციალურ ქსელში.
მანამდე ადამ კინზინგერმა ნიკა მელიას დაკავების გამო შეშფოთება გამოთქვა.
"ძალიან შემაშფოთებელია საქართველოს მთავრობის ქმედება. დაძაბული ვითარების გათვალისწინებით, მთავრობას მოვუწოდებ, უარი თქვას ამ დრამატულ მოქმედებაზე. ყველანი გაკვირდებით. პირდაპირ ეთერში ვუყურე დარბევას. ძალიან შეშფოთებული ვარ. ახლახან კონგრესში წარვადგინეთ საქართველოს მხარდამჭერი აქტი, გაითვალისწინეთ, რომ მისი მიღება ავტომატურად არ ხდება", - განაცხადა კინზინგერმა.