დავით კირკიტაძის განცხადებით, ენმ-ს ოფისის შენობაში მყოფი რამდენიმე აქტივისტი და გია ბარამიძე შეუძლოდ გახდნენ.
"საკუთარი მოქალაქეების დასარბევად, დასაწიოკებლად - საქართველოს მოქალაქეების ამათგან კარგს არ უნდა ელოდნენ. არც ჩვენ უნდა ველოდოთ ამათგან კარგს, მაგრამ ვნახოთ როგორ იქნება. არიან დაშავებულები, ვიცი, რომ გია ბარამიძე არის დაშავებული და ახლა გადაიყვანეს, რაც ვიცით ეს არის. ჩვენ მაქსიმალურად მშვიდად შევეცდებით, რომ გავაგრძელოთ ეს პროცესი," - განაცხადა დავით კირკიტაძემ "კურიერთან".
ენმ-ს წევრის განმარტებით, ისინი მაქსიმალურად მშვიდად შეეცდებიან პროცესის გაგრძელებას.
"ნაციონალური მოძრაობის" თავმჯდომარე, ნიკა მელია დააკავეს. ის პარტიის ოფისიდან სპეცრაზმმა გამოიყვანა.
ნიკა მელია მას შემდეგ დააკავეს, რაც სამართალდამცველებმა "ნაციონალური მოძრაობის" ოფისი იქ მყოფი ადამიანებისგან თითქმის დაცალეს. დარჩენილი იყო ერთი ოთახი, სადაც ნიკა მელია, ოპოზიციის რამდენიმე ლიდერი, რამდენი ათეული მხარდამჭერი და ჟურნალისტები იმყოფებოდნენ.
მანამდე "ნაციონალური მოძრაობის" ოფისთან სპეციალური დანიშნულების რაზმმა ცრემლსადენი გაზი გაუშვა.
