სახელმწიფოებრიობას ემუქრება დიდი საშიშროება, საქართველოს გადაბარება მიმდინარეობს, გავწვებით და ვერ გადააბარებთ, - ამის შესახებ "კანონი და სამართალის" ლიდერმა, თაკო ჩარკვიანმა ტელეკომპანია "პირველის" ეთერში განაცხადა.
მისივე თქმით, საქართველოს ხელისუფლებას ერთადერთ რისიც ეშინია, ეს არის ხალხის ტალღა.
"მათ არ სურთ საქართველოს ევროატლანტიკურ სივრცეში ინტეგრაცია, მათ სურთ ევრაზიული კავშირი, ჩვენ ვხედავთ საქართველოს მოსალოდნელ ანექსიას, 100 წლის გასაბჭოების თავზე. მიზანმიმართული კონფრონტაცია არის დასავლეთთან, ეს აქვთ მათ დიდი ხანია ჩაფიქრებული.
ერთადერთი ამ სამშობლოს გამყიდველებს და საქართველოს გადამბარებლებს ეშინიათ ხალხის ტალღის. რევოლუცია არ მოხდება, ქვეყანას გადააბარებენ ეს ნაძირლები. ტელევიზიებში მეტი ბოდიალი აღარ შემიძლია, არანორმალურობა არის. მე გეუბნებით - ჯანყი საქართველოს გადასარჩენად, სახელმწიფოებრიობას ემუქრება დიდი საშიშროება...
საქართველოს გადაბარება მიმდინარეობს, არგეგონოთ, გავწვებით და ვერ გადააბარებთ", - განაცხადა თაკო ჩარკვიანმა.