პარტია "მოქალაქეების" წევრი ლევან იოსელიანი პრემიერ-მინისტრობის კანდიდატის ირაკლი ღარიბაშვილის სამთავრობო პროგრამა გააკრიტიკა.
იოსელიანის თქმით, რომ დოკუმენტი არათუ პროგრამა, არამედ სადღეგრძელოა.
„ის, რაც ახლა წარმოადგინეთ, ბოდიშით, მაგრამ ეს არის სადღეგრძელო, ეს პროგრამა არ არის. არაფერი წერია აქ. ისიც არ წერია, რაც წინა პროგრამებში ეწერა. ბიზნესი ახსენეთ და წინა პროგრამა ითვალისწინებდა, რომ ბიზნესისთვის უნდა შექმნილიყო მარტივი რეგისტრაციის საშუალება. 2019 წლის პროგრამაში ეწერა. უნდა განხორციელებულიყო საერთაშორისო სავაჭრო პალატის ფუნქციონირება, რომელიც რეგიონალური მნიშვნელობის უნდა ყოფილიყო იმ პირობებში, როცა სასამართლოს ნდობა არ აქვს ჩვენს ქვეყანაში. ეს ყველაფერი ამოღებულია ახლა და კიდევ ბევრი რამ შემიძლია ვთქვა", - განაცხადა იოსელიანმა.
