თქვენს მხრებზე გადაიარა ყველა იმ ძალადობამ, რომელიც 2012 წლამდე არსებობდა - ასე მიმართა "ქართული ოცნების" წევრმა, ირმა ზავრადაშვილმა საქართველოს პრემიერ-მინისტრობის კანდიდატ ირაკლი ღარიბაშვილს პარლამენტში ფრაქციის სხდომაზე.
ირმა ზავრადაშვილის თქმით, ირაკლი ღარიბაშვილს ყოველთვის უნდა ჰქონდეს მისი მხარდაჭერის იმედი.
"ირაკლი ღარიბაშვილს ყოველთვის ექნება ჩემი დიდი მხარდაჭერა. 2012 წლამდე, სხვა ადამიანებთან ერთად, ირაკლი ღარიბაშვილის მხრებზე გადაიარა იმ ძალადობამ, რომელიც არსებობდა და რომელიც 2012 წლის პირველ ოქტომბერს დასრულდა. მჯერა, რომ ეს ენთუზიაზმი სხვა წლებსაც გაჰყვება, მისი მმართველობის პერიოდში. 2012 წელს ხალხმა უარყო ძალადობა, აღარ უნდოდა დაჭერა, წამება და ძალიან დიდი იმედით შეხედა "ქართულ ოცნებას". მაშინ ყველაზე ცუდ სიზმარშიც ვერ წარმოვიდგენდით, რომ მომდევნო 8 წლის განმავლობაში, ფიზიკურიდან, ფსიქოლოგიურ ძალადობაზე გადავიდოდა ყოფილი მმართველი პარტია და ასეთი ფსიქოლოგიური ტერორის ქვეშ ამყოფებდა ადამიანებს", - განაცხადა ირმა ზავრადაშვიმა.
