ბერლინის საერთაშორისო კონოფესტივალის ძირთადად კონკურსში 15 ფილმი მიიღებს მონაწილეობას.
"16 ქვეყნის 15 ფილმი, რომლებიც ოქროსა და ვერცხლის დათვისთვის იბრძოლებენ, აჩვენებენ თუ როგორ რეაგირებენ კინემატოგრაფისტები მიმდინარე გლობალურ ძვრებზე ფილმების დახმარებით", - ნათქვამია ორგანიზატორების მიერ გავრცელებულ ინფორმაციაში.
ფესტივალზე წარდგენილი იქნება ფილმები საფრანგეთიდან რუმინეთიდან, საქართველოდან, ირანიდან, გერმანიიდან, იაპონიიდან, კორეის რესპულიკიდან, უნგრეთიდან და მექსიკიდან.
"ეს კონკურსი მდიდარი არ არის, მაგრან ძალიან ნაყოფიერია შინაარსითა და სტილით", - აღნიშნავენ ორგანიზატორები.
თითქმის 30-წლიანი პაუზის შემდეგ, ბერლინის საერთაშორისო კინოფესტივალის მთავარ კონკურსში ქართული სრულმეტრაჟიანი ფილმი იქნება წარმოდგენილი.
მას შემდეგ, რაც 1993 წელს თემურ ბაბლუანის ფილმს "უძნართა მზე" ბერლინის საერთაშორისო კინოფესტივალზე "ვერცხლის დათვი" გადაეცა, ფესტივალის მთავარ კონკურსში ქართული სრულმეტრაჟიანი ფილმი არ შერჩეულა. თითქმის 30 წლიანი პაუზის შემდეგ კი ბერლინალეს მთავარ სელექციაში ალექსანდრე კობერიძის ფილმის მსოფლიო პრემიერა გაიმართება. ფილმი საქართველო-გერმანიის კოპროდუქციაა და მისი სახელწოდებაა "რას ვხედავთ, როდესაც ცას ვუყურებთ?". ფილმში მთავარ როლებს ასრულებენ გიორგი ბოჭორიშვილი, ანა ქარსელაძე, ოლიკო ბარბაქაძე, გიორგი ამბროლაძე და ვახტანგ ფანჩულიძე.
ასევე, ბერლინალეს წლევანდელ გამოშვებაში იქნება წარმოდგენილი სალომე ჯაშის დოკუმენტური ფილმი "მოთვინიერება". ბერლინში ფილმს აჩვენებენ სექციაში "ფორუმი". ის შვეიცარია-გერმანია-საქართველოს კოპროდუქციაა. ორივე ფილმი შექმნილია ეროვნული კინოცენტრის მხარდაჭერით.
კორონავირუსთან დაკავშირებით დაწესებული შეზღუდვების გამო ფილმების ონლაინ-ჩვენება გაიმართება პროფესიონალი აუდიტორიისათვის.
პანდემიის გამო, ბერლინის 71-ე საერთაშორისო კინოფესტივალი ჩვეული ფორმატით არ გაიმართება. 1-5 მარტს მოეწყობა ევროპული კინოს ვირტუალური ბაზრობა Industry Event, ხოლო 9-20 ივნისს ზაფხულის გამოშვების (Summer Special) ფარგლებში ნაჩვენები იქნება ფესტივალის მიერ შერჩეული ფილმები.
აკონკურსო ფილმები:
Albatros - საფრანგეთი
Babardeală cu bucluc sau porno balamuc (Bad Luck Banging or Loony Porn) - რუმინეთი / ლუქსემბურგი / ხორვატია / ჩეხეთი
Fabian oder Der Gang vor die Hunde (Fabian - Going to the Dogs) - გერმანია
Ghasideyeh gave sefid (Ballad of a White Cow) - ირანი/საფრანგეთი
Guzen to sozo (Wheel of Fortune and Fantasy) - იაპონია
Herr Bachmann und seine Klasse (Mr Bachmann and His Class) - გერმანია
Ich bin dein Mensch (I'm Your Man) - გერმანია
Inteurodeoksyeon (Introduction) - სამხრეთ კორეა
Memory Box - საფრანგეთი / ლიბანი / კანადა / კატარი
Nebenan (Next Door) - გერმანია
Petite Maman - საფრანგეთი
რას ვხედავთ, როდესაც ცას ვუყურებთ? (What Do We See When We Look at the Sky?) - საქართველო/გერმანია
Rengeteg - mindenhol látlak (Forest - I See You Everywhere) - უნგრეთი
Természetes fény (Natural Light) - უნგრეთი / ლატვია / საფრანგეთი / გერმანია
Una Película de Policías (A Cop Movie) - მექსიკა
