საქართველო ყირიმის ანექსიის გამო ევროკავშირის მიერ დაწესებულ სანქციებს შეუერთდა. ინფორმაციას ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ჟოზეპ ბორელი ავრცელებს.
"ევროკავშირის წევრობის კანდიდატი ქვეყნები მონტენეგრო და ალბანეთი, ასევე ისლანდია და ნორვეგია, უკრაინა და საქართველო უერთდებიან ევროკავშირის მიერ დაწესებულ სანქციებს. ისინი უზრუნველყოფენ, რომ მათი ეროვნული პოლიტიკა შეესაბამებოდეს [ევროკავშირის] საბჭოს გადაწყვეტილებას [რუსეთის სანქცირებასთან დაკავშირებით]", - ნათქვამია განცხადებაში.
განცხადებაში აღნიშნულია, რომ ევროკავშირი მიესალმება აღნიშნული ქვეყნების გადაწყვეტილებას.
რუსეთის წინააღმდეგ ევროკავშირის სანქციები მას შემდეგ მოქმედებს, რაც მან 2014 წელს უკრაინის კუთვნილი ყირიმის ნახევარკუნძულის ანექსია მოახდინა.
