ლეგენდარული ამერიკელი მუსიკოსი და სოულის შემსრულებელი ბილ უიზერსი 81 წლის ასაკში გარდაიცვალა. იუწყება Associated Press-ი მუსიკოსის ოჯახის წევრების განცხადებაზე დაყრდნობით.
მათი განცხადებით, მუსიკოსი ორშაბათს, ლოს ანჯელესში გულის პრობლემებით გარდაიცვალა.
ბილ უიზერსს ხანმოკლე მუსიკალური კარიერა ჰქონდა, 1970 წლიდან 1985 წლამდე. თუმცა, ამ დროის განმავლობაში უიზერსმა შექმნა კომპოზიციები, რამაც მას საქვეყნო პოპულარობა მოუტანა.
ცნობილი ჰიტები, Just the Two, Ain't No Sunshine და Lean on Me, ჟურნალ Rolling Stone-ის თანახმად, ყველა დროის 500 უდიდესი სიმღერის სიაშია შესული.
ბილ უიზერსს აღებული აქვს გრემის სამი ჯილდო.
