ამ დღეს გერმანიის დედაქალაქ ბერლინში - 3500-ზე მეტი აქციის ჩატარება იგეგმება, 160-ზე მეტ ქვეყანაში მოსამზადებელი სამუშაოები მიმდინარეობს. 10/10/10-ს პლანეტის ისტორიაში ყველაზე გლობალურ და უმსხვილეს ღონისძიებად გადაქცევის დიდი შანსი აქვს. საქართველო, Kკოსოვო, ისლანდია, პორტუგალია, ევროპის 40-ზე მეტი ქვეყანა ევროკავშირის ყველა ქვეყნის ჩათვლით მონაწილეობის მისაღებად აქტიურ სამზადისშია.

თბილისში ასობით ახალგაზრდა გამოსახავს 350-ს და ასევე დაირგვება 350 ნერგი, ერთი წუთით ავტომობილები ჩააქრობენ ძრავს, ქუთაისში გაიმართება დასუფთავების აქცია. ფილიპინებში სტუდენტები ხეების დარგვას აპირებენ ტაიფუნებისაგან თავიანთი ქვეყნის სანაპიროს დასაცავად, მთელი მსოფლიოს ხალხი ხელს კიდებს კლიმატურ გადაწყვეტილებათა დანერგვის სამუშაოს და იგივეს მოუწოდებს თავიანთ პოლიტიკურ ლიდერებს.

"10/10/10 ყველას დაგვამახსოვრდება დღედ, როდესაც მთელმა მსოფლიომ გვერდზე გადადო განსხვავებანი და გაერთიანდა კლიმატის კატასტროფული ცვლილებების თავიდან ასაცილებლად" - აღნიშნა ფილმ "უგუნურთა ჟამის" პროდიუსერმა და მოძრაობის დამაარსებელმა ფრანს ამსტრონგმა, რომელიც ამ მოძრაობათა ერთ-ერთ ორგანიზატორად გვევლინება.

მოძრაობის გლობალური დღის კოორდინატორია, ასევე 350.ორგ-ის საერთაშორისო კლიმატის წინააღმდეგ მიმართული მოძრაობა, რომელიც ამერიკელმა ეკოლოგმა ბილ მაკკიბენმა დააფუძნა. ამ დღისათვის მზადება მიმდინარეობს ინტერნეტ ტექნოლოგიების, ბლოგებისა და სოციალური ქსელების მეშვეობით.

"ჩვენ არავითარი შეტყობინება არ მიგვიღია ჩრდილო კორეიდან, ლიხტენშტაინიდან და სუნამიდან, მაგრამ დანამდვილებით შეგვიძლია ვთქვათ, რომ ამ დღეს პლანეტის ყველა ქვეყანა აღნიშნავს და იღებს მონაწილეობას"- ამბობს მაკკიბენი

10 ოქტომბეს, თბილისში 15:50 საათზე მთელი ქალაქის მასშტაბით ერთი წუთით მოძრაობის შეჩერება; ქუთაისში ბაგრატის ტაძრის მიმდებარე ტერიტორიის დასუფთავება; სუმოს მებრძოლები დასხდებიან ველოსიპედზე რათა მონაწილეობა მიიღონ ტოკიოს შუაგულში მოწყობილ ველორბოლაში; მალდივიის კუნძულის რესპუბლიკის პრეზიდენტი მოჰამედ ნაშიდი მზის პანელებს დააყენებს რეზიდენციის სახურავზე; ყარაჩში ქალები მონაწილეობას მიიღებენ მზის ღუნელების აწყობის ტრენინგებში; პარიზი, მეხიკო და ლისაბონი იღებენ პასუხისმგებლობას 2010 წლის სათბურებიდან 10%-ით გამონაბოლქვი გაზების შემცირებას.

"ჩვენ გაგვაოცა მთელი პლანეტის ადამიანების ენთუზიაზმა"- აღნიშნავს 350.ორგ- ის კავშირების დირექტორი ჯეიმ ჰენი. "საერთაშორისო ხელშეკრულების მომზადებაში ვერ მიღწეული არსებითი პროგრესის მიუხედავად ადამიანები მზად არიან შეუდგნენ კლიმატის ცვლილების შეჩერებისათვის გადაწყვეტილებათა დანერგვის სამუშაოებს. 10/10/10-ით ჩვენ ვაჩვენებთ ჩვენს პოლიტიკოსებს, თუ როგორი იერ-სახე აქვს კლიმატის კრიზისის გადაწყვეტილებისადმი ნამდვილ კონსტრუქციულ მიდგომას".

10/10/10 ის ღონისძიებები გამთენიისას დაიწყება წყნარი ოკეანის სანაპიროზე და გაგრძელდება მთელი დღის მანძილზე- ა.შშ-ში, ჰავაიზე მზის ჩასვლამდე. თითოეული ღონისძიების დასრულების შემდეგ ორგანიზატორები ფოტო-ვიდეო მასალებს ატვირთავენ საიტზე 350.org, რომლებიც ხელმისაწვდომი გახდება მასობრივი საინფორმაციო საშუალებებისა და ფართო საზოგადოებისათვის.

350. ორგ დახმარებას უწევს საერთაშორისო კლიმატის ცვლილებების წინააღმდეგ მიმართული მოძრაობის ჩამოყალიბებას, რომელსაც აერთიანებს რწმენა, ენთუზიაზმი, მეცნიერება კლიმატის შესახებ და სამართლიანი მოთხოვნები. 15 ქვეყანაში შექმნილი შტატითა და 300 ათასზე მეტი მომხრეებით 350.ორგ გვევლინება ისეთ გლობალურ ქსელად, რომელიც ეროვნულ და საერთაშორისო დონეებზე მოქმედებს და კლიმატის დასაცავად იბრძვის.