აჭარის ბიუჯეტი 6 %-იანი გადაჭარბებით შესრულდა.
როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროდან აცნობეს, აჭარის იანვარ-სექტემბრის ბიუჯეტი 105.7 %-ით შესრულდა.
სამინისტროს ინფორმაციით, აჭარის 9 თვის ბიუჯეტის გეგმა 90 მლნ. 514 ათას 500 ლარი იყო, თუმცა იანვარ-სექტემბრის მონაცემებით ბიუჯეტში 95 მლნ. 630 ათას 300 ლარის აკუმულირება მოხდა. გადასახადების კუთხით, რეგიონის ბიუჯეტის ცხრა თვიანი გეგმა 63 მლნ. 915 ათას 900 ლარი იყო, თუმცა 30 სექტემბრის მდგომარეობით, შესრუებამ 66 მლნ. 428 ათას 700 ლარი შეადგინა. რითაც გეგმა 4 %-იანი გადაჭარბებით შესრულდა. 4 %-იანი გადაჭარბებით შესრულდა სხვა შემოსავლების მუხლიც, რადგანაც გეგმის მიხედვით 9 თვეში სხვა შემოსავლებიდან ბიუჯეტში 10 მლნ. 780 ათას 600 ლარი უნდა შესულიყო, თუმცა საანგარიშო პერიოდში სხვა შემოსავლების კუთხით ბიუჯეტში 11 მლნ. 217 ათას 500 ლარი შევიდა.
მატებაა ასევე აჭარის ბიუჯეტის არაფინანსური აქტივების გეგმის შესრუების კუთხითაც. იანვარ-სექტემბრის მდგომარეობით არაფინანსური აქტივების გეგმა 15 მლნ. 818 ათასი ლარი იყო, თუმცა გეგმა 3,7 %-იანი გადაჭარბებით შესრულდა და 17 მლნ. 984 ათას 200 ლარი შეადგინა.
აჭარის რაიონებიდან გადაჭარბებით შესრულდა ბათუმის (109.6%), ხელვაჩაურის (100.6%), ხულოს (119.1%), შუახევისა (100.6%) და ქედას (101.9%) მუნიციპალური ბიუჯეტები, სამაგიეროდ თითქმის 3 %-იანი (96.6%) გარღევავა დაფიქსირდა ქობულეთის ბიუჯეტის შესულებისას.