20-30 ნოემბერს ბრიუსელი Regained Freedom International Film Festival-ს უმასპინძლებს.
საქართველოს კინემატოგრაფიის ეროვნული ცენტრის ინფორმაციით, 24 ნოემბერს კინოფესტივალზე შედგება თენგიზ აბულაძის "მონანიებას ჩვენება.
"მონანიებას" ბრიუსელში რეჟისორი ნანა ჯანელიძე წარადგენს, როგორც ფილმის სცენარის ავტორი.
თენგიზ აბულაძის ფილმს მიღებული აქვს კანის მე-40 საერთაშორისო კინოფესტივალის სამი პრიზი: მთავარი ჟიურის სპეციალური პრიზი, კათოლიკური ეკლესიის ჟიურის პრიზი ჰუმანიზმისათვის და კინოპრესის საერთაშორისო ფედერაციის პრემია "ფიპრესი".
ასევე, პრიზები ჩიკაგოსა და ჰეუგესუნის საერთაშორისო კინოფესტივალზე. იტალიის კინემატოგრაფისტთა ეროვნული ასოციაციის პრემია საუკეთესო საზღვარგარეთული ფილმისათვის.
