BBC-მ გამოაქვეყნა ბრემ სტოკერის რომანის მიხედვით შექმნილი სატელევიოზი მინისერიალ „დრაკულას“ პირველი თრეილერი. იტყობინება Independent-ი.
სერიალის სცენარის ავტორები არიან "შერლოკის" შემქმნელები მარკ გეტისი და სტივენ მოფატი.
მინისერიალში, რომელიც 3 ნაწილისგან შედგება, მთავარ როლს კლას ბენგი ასრულებს. სერიალში ასევე მონაწილეობენ ჯონ ჰეფერნანი, დოლი უელსი, ჯონათან არისი და ჯოანა სქანლანი.
მინისერიალში მოქმედება 1897 წელს ტრანსილვანიაში, გრაფ დრაკულას ციხე-სიმაგრეში ვითარდება, საიდანაც ვამპირი ვიქტორიანულ ლონდონში მიემგზავრება.
BBC-სა და Netflix-ის ერთობლივი კოპროდუქციის სატელევიზიო პრემიერა მიმდინარე წლის ზამთარშია დაგეგმილი.
