პარლამენტის ვიცე-სპიკერი თამარ ჩუგოშვილი პარლამენტის რიგგარეშე სესიების ჩატარების აუცილებლობას ვერ ხედავს. მისი თქმით, საკითხები, რომლის განხილვასაც რიგგარეშე სხდომების ჩატარება სჭირდება, ჯერჯერობით მზად არ არის, შესაბამისად, სიჩქარის აუცილებლობა არ დგას.
„ყველა საკითხზე, რომელზეც პარლამენტი მუშაობს, შესაძლებელია სექტემბრამდე მოთმენა. შეგვიძლია, რომ ამ თემებს მივუბრუნდეთ სექტემბერში, რიგგარეშე სესიების ჩატარების აუცილებლობა არ დგას“, – განაცხადა თამარ ჩუგოშვილმა.
