აშშ-ის საქმიან ადამიანთა უმრავლესობა პრეზიდენტ ბარაკ ობამას ეკონომიკურ კურსს პესიმისტურად აფასებს. სააგენტო Bლოომბერგ-ის მიერ ჩატარებული კვლევის თანახმად ამერიკელ ინვესტორთა 75 პროცენტი განიხილავს ობამას, როგორც კერძო ბიზნესის მოწინაღმდეს და მის ეკონომიკურ კურსს პესიმისტურად ფასებს.
თუმცა ექსპერტთა ნაწილის განცხადებით, აშშ-ის საზღვრებს გარეთ ობამას ეკონომიკური პოლიტიკა ფართო მხარდაჭერით სარგებლობს.
მსოფლიოს საქმიანი ადამიანების უმრავლესობა ობამას მოქმედებას არსებული კრიზისის წინააღმდეგ პოზიტიურად აფასებს. მათი 53 პროცენტი აღნიშნავს, რომ აშშ-ის პრეზიდენტმა სწორი ბალანსი მოძებნა იმ პრობლემების გადასაჭრელად, რომლებიც ბიზნესის ინტერესს ეხებოდა.
Bლოომბერგ-ის დაკვირვების თანახმად, აშშ-ის ბიზნესს პოლიტიკურ ძალთა გადანაწილება სჭირდება. საქმიან ადამიანთა 60 პროცენტი მიიჩნევს, რომ ქვეყანაში საინვესტიციო კლიმატი იმ შემთხვევაში გამოსწორდება, თუ ნოემბრის არჩევნების შემდეგ კონგრესი რესპუბლიკური პარტიის კონტროლის ქვეშ გადავა.
ობამას ეკონომიკური კუსრით იმედგაცრუებას რიგითი მოქალაქეებიც გამოხატავენ. გამოკითხვის შედეგად ამერიკელთა 43 პროცენტი აცხადებს, რომ ეგრეთწოდებული ამერიკული ოცნება ჯერ კიდევ მიუწვდომელია.
