გერმანიაში, ქალაქ დიუსელდორფში, მამაკაცი ფერარის 1985 წლის GTO 288 მოდელის ყიდვას აპირებდა. ტესტდრაივზე, დილერი მანქანიდან გადმოდიოდა, რა დროსაც ეჭვმიტანილმა მანქანა ააჩქარა და სწრაფად გაუჩინარდა, იუწყება BBC.
პოლიციას წითელი, უნიკალური ფორმის ძვირადღირებული მანქანის აღმოჩენა არ გასჭირვებია. თვითმხილველებისა და სათვალთვალო კამერების დახმარებით, იმავე საღამოს მანქანა ეჭვმიტანილის ავტოფარეხში გაჩერებული, დუსელდორფთან ახლოს, ქალაქ გრევენბროიხში იპოვეს.
გერმანიაში, ქალაქ დუსელდორფის პოლიციის განცხადებით, 1985 წლის „ისტორიული მოდელი“ 2 მილიონ ევროს აღწევს.
დილერების ვებგვერდზე ავტომანქანის აღწერაში აღნიშნულია, რომ ის ირლანდიელ ყოფილ „ფორმულა 1“ -ის მრბოლელ ედი ირვაინს ეკუთვნოდა, რომელიც ფერარის მანქანას 1996-1999 წლებში მართავდა.
დაზარალებული კომპანიის საოპერაციო ხელმძღვანელმა Westdeutsche Allgemeine Zeitung-თან მიცემულ ინტერვიუში აღნიშნა, რომ ეჭვმიტანილი ყიდვის სურვილს კვირების განმავლობაში ზარებით და წერილების გაგზავნით ადასტურებდა.
დუსელდორფის პოლიციამ ტესტდრაივზე გადაღებული ფოტოც გაავრცელა, სადაც ეჭვმიტანილი მანქანას ათვალიერებს.
ფერარის ეს კონკრეტული მოდელი მსოფლიოში მხოლოდ 272 ცალია.